Accessibility links

чәршәмбе, 24 май 2017, Казан вакыты 09:17

Истанбулда полиция машинасы барган юлда машина шартлатылган.

Төркиянең Истанбул шәһәрендә полиция машинасы барган юлда шартлау булган. Соңгы мәгълүматларга күрә, 11 кеше һәлак булган, аларның җидесе полиция хезмәткәре, 36 кеше яраланган дип белдерелә.

Шартлау иртәнге якта, халык эшкә барганда шәһәр университеты тирәсендә була. Бу тирәдә шулай ук туристлар яратып йөри торган Зур базар да бар.

Әлегә бу шартлау өчен җаваплылыкны беркем дә үз өстенә алмады. Моңа кадәр Төркиядә булган шартлауларны радикал "Ислам дәүләте" төркемнәре һәм көрд кораллы сугышчылары оештырган дип белдерелде.

XS
SM
MD
LG