Accessibility links

Кайнар хәбәр

Дөнья беренчелеге

Казанда беренче уен

Казанда беренче тапкыр Дөнья беренчелеге матчы узды. Франция - Австралия уены 2:1 исәбе белән французлар җиңүе белән тәмамланды.

Уенның иң зур яңалыгы: тарихта беренче тапкыр видеокабатлаудан соң пенальти билгеләү. Башта кагыйдә бозуга игътибар итмәгән хөкемдар Кунья видеокабатлауны кулланып, пенальти билгеләде.

Мисыр футболчылары гает намазы кылган

Уругвай–Мисыр уены алдыннан
Уругвай–Мисыр уены алдыннан

Уругвай–Мисыр уены алдыннан Мисыр уенчылары гает намазы башкарган. Бу хакта Свердлау мөселманнарының дини идарәсе рәисе Артур Мөхетдинов хәбәр итә. Намаз DoubleTree by Hilton кунакханәсендә узган, гарәп телендә укылган, анда егермеләп кеше, шул исәптән Мисырның иң көчле уенчысы Мөхәммәт Салах та катнашкан. Әмма бу Мисыр футболчыларына ярдәм итмәгән, алар Уругвайга 0:1 исәбенә оттырды, Мөхәммәт Салах травма араксында уйнамады.

15 июнь, җомга көн уеннары:

  • Уругвай–Мисыр: 1:0
  • Иран–Марокко: 1:0
  • Испания–Португалия: 3:3
Марокко һөҗүмчесе Газиз Боһаддус үз капкасына туп кертә
Марокко һөҗүмчесе Газиз Боһаддус үз капкасына туп кертә

Испания–Португалия уенында Криштиану Роналду хет-трик башкарды, ягъни бер уенда 3 гол кертте. Португалия – гамәлдәге Европа чемпионы.

Казанда футбол уеннарын менә шулай карыйлар. Казаннан укучыбыз җибәргән фото:

Бу чемпионат вакытында Казанда "ФИФА җанатары фестивале" уза. Бу - стадионнан тыш матчларны карау өчен рәсми мәйданчык. Мәйданчыкта ике экран урнаштырылган.

14 июнь Русия-Согуд Гарәбстаны уенын 25 мең кеше караган, дип хәбәр ителә.

Әлмәттә дә чемпионат :)

Дөнья беренчелеге башлану шатлыгы белән Әлмәт районы да уртаклаша. Бу вакыйга уңаеннан район авыл хуҗалыгы хезмәткәрләре диаметры 60 метр булган зур футбол тубы рәсемен ясаганнар.

Error rendering VK.

Футбол ​көннәрендә Казанда заманча татар музыкасы концертлары

Футбол дөнья беренчелеге уңаеннан Казанда алты көн заманча татар музыкасы концертлары узачак. Програмда төрле юнәлеш башкаручылары булачак: рок, хип-хоп һәм r&b, кантри һ.б. Барлык чыгышлар тере яңгырашта булачак, дип ышандыра чараларны оештыручы Yummy Music лейблы.

Беренче концерт 15 июнь көнне була. Шулай ук 19, 23, 26, 29 июнь көннәрендә чаралар планлаштырылган. Соңгы концерт 5 июль көнне булачак.

Беренче уенда Русия Согуд Гарәбстанын 5:0 исәбе белән җиңде

Русия такымы беренче голга куана, аны Юрий Газинский (с) кертте
Русия такымы беренче голга куана, аны Юрий Газинский (с) кертте

Интернет бу вакыйга уңаеннан хисләр белән тулы. Берәүләр Русия җиңүенә шатланса, икенчеләре Согуд Гарәбстанының чагыштырмача көчле такым булмаганын искәртә.

Башланды!

Мәскәүдә Дөнья беренчелеген ачу тантанасы үтте. Аны британ җырчысы Робби Уильямс һәм татар опера җырчысы Аида Гарифуллина җырлап ачып җибәрде.

Аида Гарифуллина һәм Робби Уильямс
Аида Гарифуллина һәм Робби Уильямс

Ачылыш тантанасында Русия президенты Владимир Путин һәм FIFA башлыгы Джанни Инфантино катнашты. Аңа кадәр испан капкачысы Икер Касильяс һәм Русия моделе Наталья Водянова мундиальнең төп бүләген - җиңүче касәсен тәкъдим иттеләр. Бер айдан аны җиңүче такым үз иленә алып китәчәк.

Ачу тантанасы
Ачу тантанасы

​Ачу тантанасыннан соң мундиальнең беренче уены башланды: Русия белән Согуд Гарәбстаны уйный.

дәвам

XS
SM
MD
LG