- Гөлинә: Сәлам, Камил! Ничек хәлләр?
- Камил: Ярыйсы, Гөлинә.
- Гөлинә: Ничек соң? Кичә Гүзәлне кинога чакырдыңмы?
- Камил: Бик теләгән идем, ләкин чакырмадым шул.
- Гөлинә: Ник? Нәрсә булды?
- Камил: Акчам җитмәде.
- Гөлинә: Узган атнада гына хезмәт хакы алган идек бит...
- Камил: Бетте инде. Бурычка алырга теләмим. Кая китә бу акча?
- Гөлинә: Көндәлек чыгымнарыңны кимет. Эшкә көн саен таксида йөрисең бит, җәмәгать транспортында яки җәяү йөрергә кирәк. Арзанрак булыр.
- Камил: Шулаймы?
- Гөлинә: Һәр иртә каһвә эчсәң, ай буена күп җыела!
- Камил: Таксида да йөрмә, каһвә дә эчмә… Бәлки, күңел ачуга да акча тотмаска?
- Гөлинә: Дөрес әйтәсең, күңел ачуга да акча күп китә. Кыскасы, чыгымнарны киметергә кирәк!
- Камил: Юк инде, чыгымнарны киметергә түгел, ә керемне арттырырга кирәк.