Accessibility links

Кайнар хәбәр

Владимир Кара-Мурза: Русиядә сәяси тоткыннар саны Совет берлегендәгедән күбрәк


Владимир Кара-Мурза

"Ирекле Русия" фонды вице-президенты Владимир Кара-Мурза Нью-Йоркта БМОның Кеше хокуклары шурасы утырышында чыгыш ясап, Совет берлеге чорындагы сәяси тоткыннар санын Русиядәге бүгенге вазгыять белән чагыштырды.

Академик Андрей Сахаров 1976 елда Нобель лекциясе белән чыгыш ясаганда 126 вөҗдан тоткынының исемен атады, ди Владимир Кара-Мурза. Бүген, "Мемориал"ның иң тыйнак исәпләүләренә караганда да, Русиядә 297 сәяси тоткын бар, аларның саны арта бара. Алар арасында Кырым аннексиясенә каршы булган кинорежиссер Олег Сенцов, Дондагы Ростовтан ялгыз ана Анастасия Шевченко, ЮКОС эше нигезендә хөкем ителеп 16 ел төрмәдә утыручы Алексей Пичугин да бар ди Кара-Мурза.

Соңгы дүрт ел эчендә Русиядә сәяси тоткыннар саны алты тапкыр арткан. Ватаннарында гадел хөкемнән мәхрүм булган кешеләрне БМО яклар вакыт җитте ди Владимир Кара-Мурза.

фикер әйт

фикерләрне күрсәт

XS
SM
MD
LG