Accessibility links

Кайнар хәбәр

Сораштыру: Русиядә телевидениегә ышаныч дәрәҗәсе 10 ел эчендә 25 процентка кимегән


Россия 1 каналында Дмитрий Киселев
Россия 1 каналында Дмитрий Киселев

Русияләр телевизорны сирәгрәк карый башлаган: 10 ел элек ТВдан мәгълүматны халыкның 94 проценты алса, хәзер - 72 проценты. Телевидениегә ышаныч дәрәҗәсе әлеге вакыт эчендә 79 поценттан 54 процентка калган.

Шул ук вакытта ТВ мәгълүмат алуның барыбер иң төп чыганагы булып кала. Русияләр караучы каналлар арасында алдынгы урыннарда "Россия 1" (48%), "Беренче канал" (47%), НТВ (36%), "Россия 24" (31%) һәм РЕН ТВ (17%) тора. Бу хакта Левада үзәге сораштырулары нәтиҗәсенә сылтанып РБК яза.

Русияләр өчен мәгълүматның икенче чыганагы - интернет (32%) һәм социаль челтәрләр (34%). Халыкның өчтән бер өлеше яңалыклар чыганагы буларак видеоблогларны атаган, алар видеоларны атнага ике тапкыр яки ешрак карыйлар, ә җиде проценты - көн саен. Телеграм-каналларны яңалыклар чыганагы буларак русияләрнең бер проценты сайлаган.

Бәйсез матбугат чараларының аудиториясе якынча 35 процент тәшкил иткән. Мәскәүдә бу сан - 42 процент, 16 проценты берничә бәйсез чыганак куллана.

Левада үзәгенең икенче бер нәтиҗәләренә караганда, русияләр иң авторитетлы журналистлар дип Владимир Соловьев, Андрей Малахов һәм Андрей Норкинны атаган.

XS
SM
MD
LG