Accessibility links

Кайнар хәбәр

Архангел өлкәсендә хәрби полигонда чыккан янгында ике кеше һәлак булган


Северодвински портында, архив фотосы

Архангел өлкәсендә хәрби объектта янгын чыгу сәбәпле, ике кеше һәлак булган, дүрт кеше яраланган. Бу хакта Русия саклану министрлыгына сылтанып мәгълүмат агентлыклары хәбәр итә.

Министрлыкта белдерүләренчә, "сыеклыклы реактив мотор җайланмасын сынаганда шартлау була һәм янгын чыга".

Матбугат чаралары әлеге вакыйга Ненокса авылы янында, Хәрби диңгез флотының үзәк сынау полигонында булган дип яза. Анда шулай ук атом су асты көймәләре өчен баллистик ракетлар да сыныйлар.

Саклану министрлыгы һавага зыянлы матдәләрнең таралмавын искәртә.

фикерләр

XS
SM
MD
LG