Accessibility links

Кайнар хәбәр

Библия башкорт теленә тәрҗемә ителә


Библияне тәрҗемә итү институты православларның изге китабын башкорт теленә тәрҗемә итү белән шөгыльләнә. Аның беренче данәсе Уфа епархиясенә тапшырылды.

2020 елда Библия башкорт телендә чыгачак. Бу хакта Мәскәү патриархатының патриарх Алексий II исемендәге китапханәсе җитәкчесе, Рус православ чиркәве вәкиле, Библияне тәрҗемә итү институты идарәсе рәисе протирей Александр Троицкий белдергән. Күптән түгел аның Башкортстан митрополиясе башлыгы Никон белән очрашуы узган диелә Уфа епархиясе сайтында.

Башкорт теленә тәрҗемә ителгән Библия 2020 елга әзерләнә. Протиерей Уфа епархиясенә рецензия язу өчен беренче данәсен тапшырган.

2015 елда Русия фәннәр академиясенең Уфа фәнни үзәгендә башкорт теленә Инҗил тәрҗемә ителгән иде.

2016 елда Библия татар теленә дә тәрҗемә ителде. Басма Коръәнгә охшатып, яшел тышлы, алтын төсле татар бизәкләре белән бизәлде. Китапның тышлыгында "Изге язма" дип язылган, Татарчага тәрҗемә кылуның максаты – татар телле христианнарны Библия белән үз телләрендә таныштыру диелде.

Библиянең шулай ук үзбәк һәм казакъ телләрендә дә тәрҗемәсе бар.

фикерләр (13)

XS
SM
MD
LG