Uzğan tönda Aziädän alıp New Yorkka qädär yözlägän million keşe Yaña 2006 yılnı qarşı aldı. Bäyräm çaraları Tın okean töbägendä, Australiäneñ Sydney şähärendä başlanıp, cir şarı tiräli däwam itep, New Yorkka barıp citte. New Yorknıñ Times mäydanında Yaña yıl kilüen taswirlağan zur balqıp torğan şarnı küzätergä bıyıl millionğa yaqın keşe kilgän. Mäskäwneñ Qızıl mäydanına da Yaña yıl qarşılarğa meñlägän keşe cıyılğan. Fransiädä maşinalarğa üt törtülär Yaña yıl kiçendä dä küzätelgän. Politsiä äytüençä, 340lap maşina yandırılğan, 260 keşe qulğa alınğan.