Accessibility links

Кайнар хәбәр

Törkiä: malay qoş kizüennän ülmägän


Ankara -- Törkiäneñ Sälämätlek ministrlığı, kiçä Van şähäre xastaxanäsendä wafat bulğan 14 yäşlek malay "qoş kizüennän" ülmäde, dip belderde. Doğu-bayazit töbägendä yäşägän bu yeget awılda qoş-qort belän eş itkännän soñ awırğan, dip xäbär itelgän ide. Tabiplar bu töbäkneñ tağın 5 keşesen, şul isäptän 4 balanı tikşergän. Sälämätlek ministrı Turan Bozğan süzlärençä, 3sendä virus tabılmağan, ikesen tikşerü däwam itä. Törkiä, Romaniä, Xorvatiä häm Rusiädä H5N1 virusı belän zararlanğan qoşlar tabıldı. Ämmä çirneñ keşelärgä küçü oçrağı älegä terkälmäde. Könçığış Aziädä 2003 yıldan birle qoş kizüennän 70läp keşe ülde.
XS
SM
MD
LG