Ierusalem -- İzrail tabipları äytüençä, premier-ministr Ariel Şaronnıñ xäle "totrıqlı läkin awır" bulıp qala. Uzğan töndä başına qan sawğan 77 yäşlek Şaron xastaxanägä kiterelde. Berniçä säğät barğan operatsiä näticäsendä tabiplar qan ağuın tuqtata alğan. Xastaxanä başlığı Şlomo Mor-Yosef süzlärençä, Şaron kimendä ber täwlek yasalma sulış caylanmasına totaşqan kileş qalaçaq. 3 atna çaması elek Şaron öyänäk kiçergän ide. 2 aydan Şaronnıñ yaña tözelgän partiäse anı qabat citäkçe itep saylarğa cıyına ide. İzrail xökümäten waqıtlıça Şaronnıñ urınbasarı Ehüd Olmert citäkli. Dönya citäkçeläre Şaronnıñ xäle uñayınnan borçılu belderä.
