İerusalem -- Comğa könne İzrail premeir-ministrı Ariel Şaronnıñ başına qabat qan sawğannan soñ, tabiplar aña yaña operatsiä yasadı. Xastaxanä süzçese Ron Krumer operatsiä 5 minut elek tämamlandı, Şaron komputer tomografiäse bülegenä kiterelde dide. Tabiplar äytüençä, tomografiä näticäse şaqtıy yaxşıru kürsätkän. Şaronnıñ xäle totrıqlı läkin awır dielä. Soñğı ike köndä bu ikençe operatsiä buldı. Elegräk tabiplar, ul inde eşenä qayta almas digän ide. İke aydan Şaronnıñ yaña partiäse anı qabat citäkçe itep saylamaqçı ide. Xökümät citäkçese wazifasın xäzer vitse-premeir Ehüd Olmert başqara.
