Uzğan atnada 6nçı ğinwar könne balaneñ ülemeneñ säbäbe – qoş kizüe bulğan, dip xäbär itelde. Törkiädä bu çirdän ülgän keşelär sanı – 3 buldı. Sälämätlek Saqlaw ministrlığı xäbär itüençä, kimendä 18 keşe qoş kizüen yoqtırğan. Alarnıñ barısı da virusnı tere qoş-qorttan yoqtırğan, dip sanala. Törkiädäge soñğı xällärgä qaramastan, Dönya Sälämätlek Saqlaw oyışması mäğlümatlärenä qarağanda, çirneñ taralu üzäge bulıp äle dä Aziä qala. Anda 2003nçe yıldan birle kimendä 78 keşe ülde, alarnıñ kübese Könyaqkönçığış Aziädä häm Qıtayda.
