Rusiä iminlek köçläre Dağstanda bügen qorallı törkemgä qarşı maxsus operatsiä barışında suğışçılarnıñ citäkçelärennän berse dip şiklänelgän keşeneñ üterelüe turında belderde.
Rusiä kiñküläm mäğlümät çaraları äytüençä, ul keşe soñğı 3 yılda iminlek köçlärenä qarşı höcümnär oyıştırıp kilgän Şamil Abidov.
Abidov qorallı suğışçan törkem başlığı Rasul Makarşaripovnıñ yaqını dielä. Makarşaripov uzğan cäydä Maxaçqalada üterelde.
Maxsus operatsiä Sergokala rayonında suğışçılar törkeme tabılğannan soñ kiçä başlandı. Tağın ber suğışçı üterelgän, häm ber maxsus iminlek xezmätkäre yaralanğan.
