Accessibility links

Кайнар хәбәр

Pxenyan 6 yaqlı atom söyläşülären yañartırğa wäğdä itä


Tönyaq Korea citäkçese Kim Joñ İl Pxenyannıñ atom programması turında tuqtalıp qalğan 6-yaqlı söyläşülärne däwam itärgä wäğdä birde. Tönyaq Koreanıñ Räsmi xäbär agetnlığı äytüençä, bu belderüne Kim Pekiñda Qıtay prezidentı Hu Jintao belän oçraşuda yasağan. Elegräk agentlıq Kimnıñ 10-nçı ğinwardan bügengä qädär Qıtayda ğäyre räsmi säfärdä buluı turında xäbär itkän ide. Qıtaydağı däwlät kiñküläm mäğlümät çaraları belderüençä, Hu Kimğa Pxenyannıñ atom programması mäs'äläsen çişü öçen 6 yaqlıq söyläşülär döres qarar digän. Bügen AQŞ wäkile 6 yaqlı söyläşülär turında Qıtay räsmiläre belän kiñäşläşülär ütkärü öçen kötelmägändä Pekiñğa kilde. Söyläşülärdä 2 Korea, Qıtay, AQŞ, Rusiä häm Yaponiä qatnaşa.
XS
SM
MD
LG