AQŞ xärbi köçläre xäbär itüençä, bügen Ğiraqta 419 totqın irekkä çığarılğan, alarnıñ 5se – xatın-qızlar. Älege ğämäl Ğiraqta totıq itep alınğan amerikan jurnalistı Jill Carrollnı irekkä çığarırğa yärdäm iter ide digän ömet bar. Totıq aluçılar, jurnalistnı azat itü şartı itep – törmälärdän böten xatın-qız totqınnarnı çığaru şartın quyğan ide. Jill Carroll 7 ğinwar könne totıq itep alındı. Ämma AQŞ häm Ğiraq räsmiläre, 5 xatın-qıznıñ irekkä çığarıluı amerikan jurnalistı belän bäyle tügel, dip belderde. Ğiraqtan başqa xäbärlärgä kilgändä, çärşämbe könne bulğan höcümnärdä 1 amerikan häm 3 Ğiraq xärbie häläk bulğan.
