Görcistan prezidentı Mixeil Saakaşvili, berniçä könnän gaz İrannan kilä başlıyaçaq, dip belderde. Xökümät ministrları aldında çığış yasap, prezident, Rusiä, Görcistannıñ başqa yulları da barlığın belergä tieş, dide. İrannan Görcistanğa kiläçäk gaznıñ küläme yäki bäyäse turında mäğlüm bulmadı. Görcistan zur yağulıq qıtlığı kiçerä. Rusiäneñ könyağında Görcistanğa gaz quğan gazütkärgeçläre şartlawlardan soñ äle dä tözätelmägän. Görci räsmiläre Mäskäwne ğäyepli, Mäskäw ğäyeben kire qağa. İran gazınıñ Görcistanğa kilep citüneñ berdänber yulı – Azärbaycan aşa, ämma belgeçlär süzlärenä qarağanda, zur külämdä gaz belän bäyle andıy üzgäreşlär söyläşülär häm qayber texnik mäsälälärne çişüne taläp itä.
