Yevropa illärendä salqın hawa qorbannarı sanı könnän kön arta bara. Soñğı 24 säğät eçendä Ukrainada 39 keşe öşep ülde, ber atnada bu san 220 keşegä citte. Ber atna eçendä 2600 yaqın keşe xastaxanägä salınğan. Polşada uzğan atnada birle 69 keşe ülgän. Romaniädä 50 keşe öşep wafat bulğan. Qorbannarnıñ kübese – suqbaylar häm olı yäştäge keşelär. Aqrınlap hawalar cılına başladı. İspaniäneñ häm İtaliäneñ tönyağında bügen küp qar yawıp yullarda xäräkät tuqtaldı.
