Yekaterinburg şähärendä tatar uqıtuçıları öçen uzdırılğan çirattağı seminar tämamlandı. Sverdlovski ölkäse mäğärif üsterü institutı nigezendä oyıştırılğan bu seminarnıñ teması “Tatar ädäbiäten uqıtunıñ häm öyränüneñ metodikası häm metodologiäse” dip atala. Tatar tele uqıtuçıları aldında däreslärne Qazan däwlät universitetınıñ tatar ädäbiäte kafedrası dotsentı Zakircanov Älfät Mäğsümcan ulı alıp bardı.
Älfät äfände belän äñgämä waqıtında urınlı soraw tudı: mäktäplärdä tatar telen häm ädäbiäten öyränü öçen bik az waqıt birelgän, ä yäkşämbe mäktäplärendä tatar ädäbiäten uqu tügel, tatarça söyläşä dä belmägän çit töbäklärdä yäşäwçe tatar balaların uqıtuçılar öçen ayırım programma barmı? Seminarnıñ maqsatı ütälä bulıp çığamı? Bilgele inde, çit töbäklärdä tatar ädäbiäten bik tirän itep öyränä almıylar. Şulay da Älfät äfände seminarnı faydalı itep uzdırırğa tırışuların belderde. Tatar ädäbiäteneñ bügenge xäle, tarixı, kiläçäge turında fiker alışabız, bu fikerlär axır çiktä barıber uquçılarğa barıp citep, alarnıñ belemnären tulılandırır dip uylıym, dide ul.
Şul uq fikerne Sverdlovski ölkäse mäğärif üsterü institutı metodistı, milli mäğärif üsterü buyınça küp köç quyuçı keşe Zäytünä xanım Şäymöxämmätova da cöpläde. Zäytünä Nurovna fikerençä, tatar tele buyınça olimpiadalarğa kilgän balalar ädäbi äsärlärne añlap, analiz yasıy belmilär äle. Ädäbiätne öyränü bik möhim, ul balanı fiker yörtergä, tormışnı añlarğa, maturlıqnı kürä belergä öyrätä. Mondıy seminarlar yärdämendä belemnären üstergän uqıtuçılarğa eşlärgä ciñelräk bulaçaq, dide ul.
Ölkäneñ tatar mäktäplärennän seminarğa dip kilgän uqıtuçılar, mondıy çaralarnıñ bik faydalı ikänleklären assızıqlap, däreslärdän qanäğät qaluların belderdelär.
Älfät äfände belän äñgämä waqıtında urınlı soraw tudı: mäktäplärdä tatar telen häm ädäbiäten öyränü öçen bik az waqıt birelgän, ä yäkşämbe mäktäplärendä tatar ädäbiäten uqu tügel, tatarça söyläşä dä belmägän çit töbäklärdä yäşäwçe tatar balaların uqıtuçılar öçen ayırım programma barmı? Seminarnıñ maqsatı ütälä bulıp çığamı? Bilgele inde, çit töbäklärdä tatar ädäbiäten bik tirän itep öyränä almıylar. Şulay da Älfät äfände seminarnı faydalı itep uzdırırğa tırışuların belderde. Tatar ädäbiäteneñ bügenge xäle, tarixı, kiläçäge turında fiker alışabız, bu fikerlär axır çiktä barıber uquçılarğa barıp citep, alarnıñ belemnären tulılandırır dip uylıym, dide ul.
Şul uq fikerne Sverdlovski ölkäse mäğärif üsterü institutı metodistı, milli mäğärif üsterü buyınça küp köç quyuçı keşe Zäytünä xanım Şäymöxämmätova da cöpläde. Zäytünä Nurovna fikerençä, tatar tele buyınça olimpiadalarğa kilgän balalar ädäbi äsärlärne añlap, analiz yasıy belmilär äle. Ädäbiätne öyränü bik möhim, ul balanı fiker yörtergä, tormışnı añlarğa, maturlıqnı kürä belergä öyrätä. Mondıy seminarlar yärdämendä belemnären üstergän uqıtuçılarğa eşlärgä ciñelräk bulaçaq, dide ul.
Ölkäneñ tatar mäktäplärennän seminarğa dip kilgän uqıtuçılar, mondıy çaralarnıñ bik faydalı ikänleklären assızıqlap, däreslärdän qanäğät qaluların belderdelär.
