Accessibility links

Mortaza Räximovqa 73 yäş tuldı


Respublikanıñ täwge prezidentı, unıñ matbuğat xeźmäte xäbär itewensä, tıuğan könön ğäźättägesä, eş urınında ütkärgän. Qotlawźar qabul itkän. Bıl köndö Respublikanıñ kiñ mäğlümät saraları respublika prezidentın qotlawźa yarıştı. Däwlät qaramağındağı baźmalarźıñ täwge bittärendä Mortaza Ğöbäyźulla ulınıñ źur fotohı urın alğan. Başqortostan gazetahında ul mikrofondar artında yılmayıp ultırha, Respublika Başqortostan häm Qıźıl Tañ gazetaları Mortaza Räximovtı xäräkättä, eş barışında kürhätergä tırışqan. Başqortostan gazetahı şulay uq elekke tormoş menän xäźerge tormoşto sağıştırıuźıñ da iñ banal yulın haylağan.

Elek magazín käştäläre buş torźo, xäźer Başqortostan xalqı mullıqta yäşäy. "Beźźeñ dä Başqortostandağı kewek yäşägebeź kilä. Älege waqıtta beźgä Mortaza Räximov hımaq aqıllı prezident käräk" - bını inde mäqälä autorına Ukrainadan ber yeget äytkän. Qıźıl Tañ gazetahı la tarixqa ekskursiä yaharğa tırışqan. Gazetanıñ säyäsät bülege respublika başında Mortaza Räximov kewek ziräk yetäkse, buldıqlı xuja torowı ihä respublika tormoşondağı sirattağı başlanğıstarźıñ başqarılıp sığasağına häm ularźıñ Başqortostan taríxına altın xäreftär menän yaźılasağına tulı ışanıs tıuźıra tigän ışanıs beldergän. Respublika Başqortostan gazetahı la äytep ütelgän ike gazetanan ber ni menän dä ayırılmay. Yäşlek gazetahı jurnalistarı la prezidenttıñ tıuğan könönä original idealar tapmağan.

Qayhı ber analítiktar äytewensä, respublika prezidentınıñ tıuğan könön ölgäşelgän uñıştarğa bäyläw täw siratta unıñ asıq bulmawı turahında höyläy. 1998 yılda Respublika prezidentın haylawźar barışında Mortaza Räximov turahında bik qıźıqlı mäğlümättär qalqıp sıqqaynı. Baqtihäñ ul, bik matur itep skripkala uynay, oźon başqort yırźarın yırlay, irtän irtük sport menän şöğöllänä ikän. Ämmä yämäğätselekteñ küp ölöşö bıl turala belmäyäsäk.

Rämzit Abulyayıv, Öfö
XS
SM
MD
LG