Kosovo parlamentı bügen xoquq professorı Fatmir Sejdiunı Kosovonıñ yaña prezidentı itep saylap quydı.
Demokratik Kosovo öçen Berektäşlege namzäte bulğan Sejdiu öçençe märtäbä tawış birüdä 80 tawış küpçelek belän saylandı.
Sejdiu uzğan ayda üpkä yaman şeşennän wafat itkän prezident İbrahim Rugovanıñ yaqınnarınnan berse ide.
Wazifağa kereşü çığışında Sejdiu Rugovanıñ Kosovo bäysezlege öçen köräşü maqsatına tuğrılıqlı qalırğa ant birde. Şul uq waqıtta ul bäysezlek cawaplılıqnı añlata dide.
Sejdiu barlıq kosovolılarnı töbäkne keşe xoquqları häm iñ yuğarı demokratiä standartları xörmät itelgän urın itü öçen bergäläp tırışırğa çaqırdı.
Kosovonıñ täğayen statusı turında BMO aradaşlığındağı söyläşülär Vienada 20-nçe fevral'dä başlana. Kosovoda küpçelekne täşkil itkän etnik albanlılar bäysezlek teli. Serbiä anı üzeneñ ber öleşe bularaq saqlap qalırğa tırışa.
