Accessibility links

Başqortstanda faşizmğa qarşı pakt imzalandı


Mäskäwdä uzğan bu çarada älege dokumentqa distägä yaqın firka qul quyğan. Pakt Başqortstanda da xuplaw taptı. Anı 16 firka bülekçäse häm cämäğätçelek berläşmäse xuplawın belderde.

Älege waqiğa uñayınnan “İzvestiä” gäzite “Berdäm Rusiä” firqäseneñ General' şurası idäräse särkätibe Vyaçeslav Volodin belän äñgämä birgän ide. Anda Volodin milli-faşistik oyışmalarnı atağanda “İttifaq”, “Tatar klubı”, “Ural” Başqort xalıq üzäge häm Başqort yäşläre ittifağın da telgä ala. “Ural” Başqort xalıq üzäge bu äñgämä uñayınnan Vyaçeslav Volodinğa telegramma cibärde. Anda Volodinnıñ naxaq bälä yaqqanı häm faktlarnı bozğanı öçen mäxkämägä bireläçäge äytelgän. “Berdäm Rusiä”ne diskreditatsiälägäne öçen General' şuradan kirtergä taläp itelgän.

Vyaçeslav Volodin äñgämäse uñayınnan bertörkem başqort milli oyışmaları Belderü belän çıqtı. Anda älege äñgämä säyäsi mısqıllaw häm provokatsiä dip bäyälängän. Volodinnı “Berdäm Rusiä” firqasennnän buşatu taläp itelgän.

Mönir Vafin, Ufa

XS
SM
MD
LG