Mäskäw -- Rusiä Duması bügen "Terrroçılıqqa qarşı" qanun ölgesen ikençe uqılışta qabul itte. Dokumentta terrorğa qarşı operatsiä waqıtında räsmilärneñ nindi çikläwlär kertä aluı bilgelänä. Keşelärneñ ğömeren saqlaw öçen, terrorçılar belän söyläşülär ütkärü röxsät itelä, läkin säyäsi taläplärne tikşerü küzdä totılmıy. Xärbilärgä, terrorçılar basıp alğan oçqıçnı bärep töşerü xoquqı birelä. Mäglümät çaralarına çikläwlär qaralmağan. Ämmä terrorçılıqnı xuplağan, yä aqlağan oyışmalar tıyıla, digän matdä bar. 3nçe, soñğı uqılışta Duma ölgene Fivralneñ 26sında qarayaçaq. Şunnan soñ anı Fedratsiä Şurası raslarğa häm prezident imzalarğa tieş.
