Şuşı proyektnı 19 Martqa, Belarusta ütäçäk prezident saylawlarına qädär başlap cibärü öçen Yewropa Berlege küp köç saldı. Andıy-mondıy kötelmägän xäl kilep çıqmasa, tapşırular şuşı yäkşämbe, 26 Fivral başlana. Bu turıda atnakiçtä Brusseldä Yewropa komissiäse süzçese Emma Udwin xäbär itte. "Bez şunı iğlan itä alabız: yäkşämbedän başlap köndälek radio tapşırular başlana. Anda Yewropa Berlege häm Belarustağı xällärne yaqtırtqan xäbärlär häm küzätülär bulaçaq. Monnan tış, atnasına ber tapqır yartı säğätlek televidenie tapşıruları bulaçaq", dide ul.
Radiotapşırularnı Belarus öçen Yewropa Radiosı häm Baltiq Dulqını dip atalğan radiostansiälär tapşıraçaq. Yäşlärne cälep iterlek itep äzerlängän ber säğätlek program här kön irtä belän efirğa çığaçaq.
Televideniegä kilgändä, Berlinda urnaşqan urıs telendä eşläwçe RTVi telekompaniäse atnasına ber "Yewropağa täräz" dip atalğan yartı säğätlek program äzerliäçäk. Tapşırunıñ berençese bu yäkşämbe kiç çığa. Tele häm radio tapşırular 2 teldä – belarus häm urıs tellärendä bulaçaq.
19 Martta Belarus xalqı kiläse 5 yılğa prezident saylıy. İlneñ xäzerge citäkçese Aleksandr Lukaşenka 3nçe möddätkä saylanır dip kötelä. Anıñ idaräse waqıtında ildä bäysez mäglümät çaraları qalmadı diärlek.
Emma Udwin süzlärençä, Yewropa Berlege proyektında saylaw aldı kampaniäse ayırım urın alıp toraçaq. "Saylawlarğa qädär maxsus tapşırular bulaçaq, saylaw aldı kampaniäsendä kütärelgän mäsälälär turında fiker alışu mömkinlege birü öçen, turı efirda tapşırular oyıştırılaçaq", dide ul.
Radiotapşırular urta dulqınnarda häm İnternetta bulaçaq. www.belradio.fm säxifäsendä alarnı alıp tıñlaw mömkinlege tudırıla. Soñraq FM dulqınnarına çığu küzdä totıla. Tele tapşırular isä kabel häm iärçen aşa tapşırılaçaq.
Bu tapşırular küpme keşegä barıp ireşer – äytüe qıyın. Emma Udwin, bezdä anıñ işe faraz-xisaplar yuq, dide. Andıy tikşerülärne soñraq bu proyektnı ğämälgä quyuçı xalıqara konsortsium oyıştıraçaq. Yewropa Berlege üze bu eşkä qatnaşmıy.
Yewropa Berlege proyektqa aqça xästärläsä dä, tapşırularnıñ eçtälegenä qatışmayaçaq. Eşneñ bu yağına Yewrokomissiä ayruça basım yasadı.
Östäp şunı äytergä bula, bu proyekt Belarusqa çittän äzerlängän berençe tapşırular tügel. Şuşı atnada Polşanıñ Racja radiosı da Belarusqa tapşıruların yañartıp cibärde. 1999-2002 yıllarda çığıp kilgän ul tapşırular aqça citmäw säbäple tuqtalıp torğan ide.
Monnan tış Germaniäneñ Deutsche Welle kompaniäse uzğan yılnıñ közennän birle Belarusqa urıs telendä radio tapşırular tapşıra. Küläme belän keçkenäräk bulğan bu proyekttnıñ çığımnarın da Yewropa Komissiäse kütärä.
Ali Gilmi
Radiotapşırularnı Belarus öçen Yewropa Radiosı häm Baltiq Dulqını dip atalğan radiostansiälär tapşıraçaq. Yäşlärne cälep iterlek itep äzerlängän ber säğätlek program här kön irtä belän efirğa çığaçaq.
Televideniegä kilgändä, Berlinda urnaşqan urıs telendä eşläwçe RTVi telekompaniäse atnasına ber "Yewropağa täräz" dip atalğan yartı säğätlek program äzerliäçäk. Tapşırunıñ berençese bu yäkşämbe kiç çığa. Tele häm radio tapşırular 2 teldä – belarus häm urıs tellärendä bulaçaq.
19 Martta Belarus xalqı kiläse 5 yılğa prezident saylıy. İlneñ xäzerge citäkçese Aleksandr Lukaşenka 3nçe möddätkä saylanır dip kötelä. Anıñ idaräse waqıtında ildä bäysez mäglümät çaraları qalmadı diärlek.
Emma Udwin süzlärençä, Yewropa Berlege proyektında saylaw aldı kampaniäse ayırım urın alıp toraçaq. "Saylawlarğa qädär maxsus tapşırular bulaçaq, saylaw aldı kampaniäsendä kütärelgän mäsälälär turında fiker alışu mömkinlege birü öçen, turı efirda tapşırular oyıştırılaçaq", dide ul.
Radiotapşırular urta dulqınnarda häm İnternetta bulaçaq. www.belradio.fm säxifäsendä alarnı alıp tıñlaw mömkinlege tudırıla. Soñraq FM dulqınnarına çığu küzdä totıla. Tele tapşırular isä kabel häm iärçen aşa tapşırılaçaq.
Bu tapşırular küpme keşegä barıp ireşer – äytüe qıyın. Emma Udwin, bezdä anıñ işe faraz-xisaplar yuq, dide. Andıy tikşerülärne soñraq bu proyektnı ğämälgä quyuçı xalıqara konsortsium oyıştıraçaq. Yewropa Berlege üze bu eşkä qatnaşmıy.
Yewropa Berlege proyektqa aqça xästärläsä dä, tapşırularnıñ eçtälegenä qatışmayaçaq. Eşneñ bu yağına Yewrokomissiä ayruça basım yasadı.
Östäp şunı äytergä bula, bu proyekt Belarusqa çittän äzerlängän berençe tapşırular tügel. Şuşı atnada Polşanıñ Racja radiosı da Belarusqa tapşıruların yañartıp cibärde. 1999-2002 yıllarda çığıp kilgän ul tapşırular aqça citmäw säbäple tuqtalıp torğan ide.
Monnan tış Germaniäneñ Deutsche Welle kompaniäse uzğan yılnıñ közennän birle Belarusqa urıs telendä radio tapşırular tapşıra. Küläme belän keçkenäräk bulğan bu proyekttnıñ çığımnarın da Yewropa Komissiäse kütärä.
Ali Gilmi