Kabul -- Äfğanstan mäxkämäse, kommunist çorındağı Küzläw idaräse başlığı Äsadulla Särwärine, yözlägän keşene üterergä färman birüdä ğäyepläp, ülemgä xökem itte. Xökemne baş xäkim Äbdel-basit Bäxtiär uqıdı. "Sez, Äsadulla Särwäri, xökümättä eşlägändä, yözlägän ğonahsız keşene üterüdä ğäyeplänäsez. Konstitutsiäneñ 136nçı matdäse nigezendä, mäxkämä sezne ülemgä xökem itä", dide baş xäkim. 1978 yılda, Äfğanstannıñ berençe kommunist citäkçese Nur Möxämmät Taraki idarä itkän çorda Äsadulla Särwäri Küzläw İdaräsen citäklägän. Bu xökem Äfğanstanda suğış cinäytläre öçen çığarılğan berençe xökem buldı. Särwäri şikäyät itäçägen belderde.
