Bügen dönyanıñ tağın berniçä urınında qoş kizüeneñ keşelär öçen qurqınıçlı H5N1 töre buluı raslandı.
Britaniädäge Yewropa Berlege laborotoriäsendä Bosniä üzägendäge küldä 2 aqqoşnıñ H5N1-dän ülüe raslandı.
Paqstan da ilneñ tönyağında, Äfğän çigenä yaqın öleşendä qoş kizüe tabıldı dip belderä.
Gruziä xakimiätläre Açarstanda qoş kizüeneñ keşelärgä küçüenä yul quymaw öçen çaralar kürä.
Könbatış Afrika ile Nigernıñ berniçä urınında da H5N1 virusı tabıldı.
Dönya Xaywannar Sälamätlege Oyışması wäkile Bernard Vallat bu awıru Nigerğa kürşe Nigeriädän kergän bulırğa mömkin. Nigeriä Afrikada qoş kizüe tabılğan öçençe il. Moñarçı ul Niregiä belän Mısırda tabılğan ide.
Belgeçlär bu awırunıñ infrastrukturası köçsez bulğan afrikağa ütep kerüenä ayıruça borçıla.
