İtar-Tass xäbär itüençä Xämas fälestin suğışçan törkeme wäkilläre Mäskäwgä räsmi säfär belän bu comğada kiläçäk.
İtar-Tass tışqı eşlär ministrlığı wäkile Mixail Kamıninnıñ Xämas törkemen säyäsi qanat başlığı Xalid Mişal citäklärgä oxşıy digän süzlären kiterä.
Xämas 25-nçe ğinwardağı parlament saylawlarında zur uñışqa ireşkännän soñ Rusiä prezidentı Vladimir Putin törkem citäkçelegen söyläşülär öçen Mäskäwgä çaqırğan ide.
AQŞ häm Yewropa Berlege Xämasnı terrorçı törkem dip sanıy häm alar Putinnıñ çaqıruın tänqitläp çıqtı.
Rusiä Xämasnı köç qullanudan baş tartırğa häm İzrail däwläten tanırğa ügetliäçägen belderde.
