Accessibility links

Äfğän törmäsendä totqınnar belän söyläşülär däwam itä


Äfğänstan başqalası yanındağı Pul-i-Çarxi törmäseneñ ber öleşen üz qullarına alğan totqınnar belän söyläşülär däwam itä. Uzğan şimbädä törmäneñ 1 meñläp totqın bulğan öleşen Taliban suğışçıları dip şiklänelüçelär basıp aldı. Şunnan soñ törmäne yözlärçä politsiä häm xärbi maşinalı ğäskärilär çolğap aldı. Totqınnar törmägäge şartlarğa häm qağidälärgä rizasızlıq belderä. Saqlanu ministrlığı süzçese äytüençä, söyläşülärdä yustitsiä ministrlığı, prokuratura, BMO, häm Äfğän keşe xoquqları räsmiläre qatnaşa. Kiçäge söyläşülär çişeleş kitermäde. Söyläşülärdä qatnaşuçı ber wäkil äytüençä, totqınnar üzlären irekkä çığarunı taläp itä häm totıqlar aluların belderä. Qorbannar sanı turında açıq qına mäğlümät yuq. 7 keşeneñ üterelgän bulu mömkinlege turında xäbärlär bulsa da, alar başqa çığanaqlardan raslanmağan.
XS
SM
MD
LG