Accessibility links

Кайнар хәбәр

Xämas wäkilläre Mäskäw säfären tämamladı


Rusiä pravoslav cirkäwe başlığı Aleksiy Xämas fälestin suğışçan törkemen İzrail belän tınıç dialogqa rizalaşırğa çaqırdı. Xäbär agentlıqları anıñ Mäskäwgä säfär qıluçı Xämas wäkillärenä başqa çara yuq dip äytüe turında belderä. Prezident Vladimir Putin çaqıruı belän kilgän, Xälät Maşal citäkçelegendäge Xämas wäkilläre 3 könlek Mäskäw säfären bügen tämamladı. Ğinwar ayında Fälestin parlamentına saylawlarda ciñep çıqqan Xämas xalıqara cämäğätçelekneñ köç qullanudan baş tartırğa, İzrail' däwläten tanırğa çaqıruın kire qağıp kilä. İzrail' premyer ministrı wazıyfaların başqaruçı Ehüd Olmert Rusiäneñ Xämas belän söyläşülär ütkärüen tänqitläde. Olmert bügen Putin belän telefon söyläşüendä Xämasnı qabul itü anı köç qullanudan baş tartmasqa häm İzrail' däwläten tanımasqa ruxlandıra ğına dide. Fälestin citäkçese Mäxmüt Abbasnıñ Fatah partiäse räsmiläre Fatah Xämas citäkçelegendäge yaña fälestin xökümätenä quşılmas kebek dip belderde. Monıñ säbäpläreneñ berse Xämasnıñ Fälestin İdaräse belän İzrail' arasındağı elekke kileşülärne tanırğa telämäwe.
XS
SM
MD
LG