Räsmi tanılmağan Dnestr buyı respublikı başlığı İğor' Smirnov, Dnestr buyı wazgiäten cayğa salu söyläşülärennän Tiraspol' töşep qala, dip belderde. Annan alda, Smirnov, Dnestr buyı malları öçen Uqrainanıñ yaña tamoşnya qağidälären kertüe Kievnıñ aradaşçı rolennän baş tartuın añlatuçı faqt dip äytkän ide. Dnestr buyı töbägenä wazgiätne öyräner öçen Rusiä dä ber törkem üz belgeçlären yulladı. Tışqı eşlär ministrı Sergey Lawrovnıñ süzlärenä qarağanda, bügenge wazgiät töbäktä iqtisadi bloqadanı xäterlätä.
Uqrainanıñ premer ministrı Yüriy Yıxanurov, Dnestr buyı malları öçen Kiev qatğıy qağidälärdän waz kiçärgä cıyınmıy dip, azsızıqladı.
