Abxaziäneñ Gal rayonında bilgesezlär 4 keşene atıp ütergän, şularnıñ berse 7 yäşlek qız bala. “İnterfaks” ağentlığı xäbärlärenä qarağanda ike maşinağa höcüm, Rusiä tınıçlıq yaqlawçıları qontrolendä torğan, iminlek zonasında yasalğan. Räsmi tanılmağan Abxaziä respublikı prezidentı Sergey Bağapş bu xälne teraqt dip bäyäläde häm anıñ artında görcestan xäkimiätläre tora dip belderde. Tiflis bu xälgä bernindi dä añlatma birmäde.
