12 mart respublikanıñ qayhı ber rayondarında häm qalalarında urındağı üźidäralıqtıñ wäkälätle orğandarına öźtämä haylawźar ütkäreläsäk. Räsäy ustisia ministrı Yüriy Çayqanıñ şaw–şıu tıuźırğan yañğırawıqlı belderewenän huñ Başqortostanda bıl haylawźarğa yetdi äźerlek başlandı. Bığa tiklem Respublikala haylawźar bulasağı turahında tik üźäk haylaw komissiahı räyese Barıy Kinyäğolov qına belgänder. Ğäźättägesä, xäkimiättär bıl yulı la haylawźar xaqında aldan höylämäwźe xup kürźe. Yüriy Çayqanıñ belderewe inde xalıqqa watandaşlıq burısın ütäw käräklege xaqında iźkärtewgä etärges kenä birźe. Respublika kiñ mäğlümät saraları xalıqtı haylawźar xaqında iźkärtep ölgörmäwe lä ixtimal. Sönki xalıqtıñ baytaq ölöşö däwlät qaramağındağı matbuğat saralarına ışanıp barmay. Şuğa la Respublika prezidentınıñ matbuğat xeźmäte kiñ mäğlümät saralarına haylawźarźı nisegeräk,nindäy yuźıqta yaqtırtıu käräklege xaqında mäğlümät tarattı. Unda haylawźarğa äźerlekte häm unıñ barışın kiñ itep yaqtırtıu burısı quyılğan. Prezident xäkimiätenän xäbär itewźärensä, Respublikala 131-se federal qanundı ütäwźä äle ük qıyınlıqtar bar. Ular täw siratta urındağı üźidäralıq orğandarı wäkälättäreneñ matdi xälenä tap kilmäwe. Küp kenä munitsipäl berämektärźeñ iqtissadi häm finans mömkinlektäre urındağı üźidäralıq wäkälättären ütäw ösön yeterlek tügel Başqortostanda küp kenä rayondar respublika qaźnahınan dotasia ala. Tik Öfö menän Salawat qalaları ğına üź üźen tämin itä ala. Şulay itep, kilemdärźeñ aź bulıuı säbäple munitsiäpl berämektäyorźeñ artabanğı yaźmışı la şik aźtına quyıla.Qanun buyınsa bit ular automobil' yuldarın töźök totorğa, aź tämin itelgändärgä sosial' yarźam kürhätergä, torlaq töźölöşö ösön şarttar tıuźırırğa, xalıqtı yağıulıq menän tämin itergä burıslı. Ämmä älegä ber genä munitsipäl berämek tä bıl mäsälälärźe üź allı xäl iterlek tügel. Mäsälälärźe xäl itew ösön munitsiäpl rayonğa kileşew töźöü yulı menän qayhı ber genä wäkälättärźe tapşırıu qarala. Respublika yetäkselege munitsiapäl rayondar qaźnahın tulılandırıu ösön üź yulın täqdim itä. Täw siratta bäläkäy eşqıuarlıqtı üźterew qarala. Bınıñ ösön eşqıuarźarźı terkäwźe yabaylaştırırğa la täqdim itelä. Bına şunday şarttarźa ütä respublikala urındağı üźidäralıqtıñ wäkäletle orğandarın haylawźar.
