Qabul. Bügen Äfğanstan başqalasında ilneñ elekke prezidentı Sibğätulla Möcädidigä höcüm yasaldı, ul utırğan maşinağa şartlatqıçlar quyılğan ikençe ber maşina kilep bärelde. Möcädidi ciñel cäräxätlär alıp qına qotıldı, şartlawda ike höcümçe häm uramdağı ike keşe hälak buldı. İlneñ xäzerge prezidentı Xämit Qarzay monı Äfğanstannıñ bäysezlegenä, ildäge tınıçlıqqa yasalğan höcüm dip bäyäläde. Sibğätulla Möcädidi bügenge köndä Äfğanstan parlamentınıñ yuğarı pulatın - senatnı citäkli. Qabulda uzğan matbuğat oçraşuında ul üzenä yasalğan höcüm öçen cawaplılıqnı kürşe Pakstandağı yäşeren xezmätlärgä yökläde häm Äfğanstannıñ doşmanı bulıp bügenge köndä Pakstan tora, dip belderde.
