Bu xaqta anıñ yuridik kiñäşçese Zdenko Tomanoviç belderde. Tomanoviç süzlärenä qarağanda, Miloşeviçnıñ ulı Mirko, ätiseneñ cäsäden alıp qaytırğa Haagqa baraçaq. Üle köye törmädä tabılğan Miloşeviçnı yarıp tikşerü näticäläre, yäkşämbe könne Haagta iğlan itelde. Belgeçlär fikerençä ul yöräk öyänägennän wafat bulğan. Äle anıñ qanın tikşerü tämamlanmağan. Miloşeviçnıñ advokatları häm tuğannarı anı ağulağan bulırğa mömkin dip raslıy.
