Başqa sıymaslıq xäl, İzraildä tatar oyışması. Maqsatı da bik qızıq. Tatar-yevreylarnıñ ekstremistik islamnı ciñüläre öçen- monısı inde lozungları. Ä oyışma üze sionistik ikän. İnde, üzebezdän artıq süz çıqmasın öçen, sionizm digän töşençäne süzlektän qarap alıyq. Professor Ğaniev tözegän Tatar teleneñ añlatmalı süzlegendä sionizm, 19 yöx axırında barlıqqa kilgän häm törle illärdäge cäbrilärne berläşterüne maqsat itkän millätçel xäräkät. Menä şulay, cäbrilärne berläşterä torğan xäräkät ul – sionizm. A priçem monda tatarlar. Poşçemu potamu çto, 1948 yılda möselmnnar-ğaräp cirlären basıp alınğan cirdä tözelgän İzrail däwlätendä tatarlar da yäşi ikän. Şuña oyışma barlıqqa kilgän häm ul Tatarlar İzrail öçen dip atala. Zäkirä Zaripova digän, çığışı belän Qırğızstannnan bulğan tatar xatını anıñ citäkçese. Ul 15 meñläp tatar yäşi cäbrilär tözegän ildä di. Azatlıq İzrailgä şaltıratıp, añıñ belän telefon aşa elemtägä kerde. \
Añlıysızmı, berençedän bu oyışma sionistik, möselman oyışması. Üzebezneñ saflarğa bez böten millät keşelären dä ala. Bez ğomumän keşelärne millätlärgä,dinnärgä bülmibez. Şuña kürä minem oyışmamda, cirle cäbrilärdä, çit ildän 40 yıl elek tä, küptän tügel genä küçenep kilgännäre dä häm älbättä inde tatarlar da bar. Monnan tış äzärbäycannar, çärkäslär. Alarnıñ da möselman dinenä qatnaşları bar.
Monnan tış, Qazannan küçenep kilgän keşelär dä bu oyışmağa kerä. Alar tatarlarğa bik yaxşı qarıylar.
Zäkirä Zaripova, şulay itterep, İzraildä tatar oyışması tözegän dä, xäzer, üzeneñ süzlärenä qarağanda, ekstremistik islamğa qarşı köräşä. Yäğni, Fälästınlelär. Cirle ğäräplär üz cirläre öçen suğış alıp baralar ikän, bu ekstremistik islam. İranlılar da şulay uq ikän. Ä tatarlar isä, Zäkirä xanım süzlärenä qarağanda, cäbrilärne bik yaratalar, alar arasında antesimitizm yuq.
Audio
Räxmät tä belderälär, tatarlar iseme astında, İzrail öçen köräşergä alınğan bu oyışma buldırğanı öçen, Zäkirä Zaripovanı.
Çeltärdäge isra.com dip atalağan yevrey saytında isä, bu oyışmanı tözüdä Rusiä yähüdläre zur rol' uynağanın belep bula.
Zäkirä Zaripova, Tatarstannı bik yarata ikän. Kiläse dä kilä Qazanğa. Häm Rusiädä, Mäskäwdä ycäbilärgä qarşı antisimistik çaralar barğanğa kürä, Tatarstan Rusiädä ayırıp çığırğa tieş dip sanıy. Monısın inde, Azatlıqqa burıçqa äytkän kebek äytte. Soraw bit, sez tatar isemen qullanğan oyışma bularaq, tatarlrğa berär fayda eşlisezme soñ digän ide. Bäysezlekne yaqlıybız dip belderde. Niçek kenä bulmasın, böten möselman dönyası İzrailne tanımıyça, möselmannarnıñ izge cirlären basıp aluda ğäyepläp torğanda, tatar iseme monda kilep qısıldı. Yäki qıstırdılarmı. Möselman dönyası moña niçek qarar, bilgesez.
Räfis Cämdixan
