Accessibility links

Кайнар хәбәр

Miloşeviç xatını cenazağa kilmi


Slobodan Miloşeviçnıñ xatını Miryana Markoviç iminlekneñ citärlek bulmawın säbäp itep, iren cirlärgä Belgradqa kilüdän baş tartqan. Watanında anı berniçä cinayat eşendä ğäyplilär. Cirläwlär köne älegä bilgelänmägän. Sişämbe könne Miloşeviçnıñ ulı Marqoğa birelgän cäsäd, bügen Haagadan Serbiäneñ başqalasına kiterelelde. Serbiä xäkimiätläre Miloşeviçnıñ ğäiläsenä anı xökümät keşelärenä birgän xörmät kebek cirlämäyäçäklären beldergän. Xärbi cinayatlärdä gäyeplängän, Yugoslaviäneñ elekke citäkçese 11 martta Haağa xalıqara mäxkämä törmäsendä, yöräk öyänägennän wafat buldı. Miloşeviçnıñ wafatı säbäben belergä kilgän Rusiä tabibları Hollandiä belgeçläre belän kileşülären beldergän. Miloşeviç çınlap ta yöräk öyänägennän wafat bulğan. Rusiäneñ däwlät duması, Slobodan Miloşeviçnıñ wafatı belän bäyle bulğan möräcäğät qabul itte. Bu möräcäğättä, Haağadağı xalıqara tribunal qararların ber tarafnı ğına qayğırtıp çığara dielgän. Häm deputatlar, xalıqara Haağa mäxkämäseneñ alğa taba eşçänlege faydasız dip sanawın beldergän.
XS
SM
MD
LG