Bügen Berläşkän millätlär oyışmasınıñ iminlek şurası İrannıñ atom proğrammasın tikşerä. Annan alda, iminlek şurasınıñ biş daimi ägzäse bulğan illär ütkärgän kiñäşmädä bu mäsälä buyınça urtaq fikergä kilä almadılar. Britaniä, Fransiä häm AQŞ täğdim itkän rezolyutsiä proyıqtına Rusiä belän Qıtay qarşı çığa. Proyıqtta İranda atom töş eşkärtüläre “citdi borçılu tudıra” dip yazılğan. AQŞnıñ Berläşkän millätlär oyışmasındağı daimi wäkile John Bolton, Tährannan yanıy torğan qurqınıçnı 2001 yılnıñ 11 sintäberendä AQŞta bulğan teraktlar belän çağıştırdı.