Mäskäw – Bügen Mäskäw metrosında tunnelneñ ber öleşe işelep töşkän. Beton kisäge ütep baruçı vagonğa bärep kergän, ämmä yulçılarğa zıyan kilmägän, alar isän-saw cir östenä çığarılğan, dielä. Mäskäw metrosı başlığı Dmitri Gaev qazanıñ säbäben bolay añlattı: "Xäräkät 14 säğät 30 minutta tuqtatıldı. Säbäbe – östä barğan tözeleş eşläre waqıtında, svaylar tünnelne bärep çıqqan. Trängä zıyan kilgän. Qorbannar häm yärdäm sorap kilüçelär yuq." Berençe xäbärlärdä vagonda yanğın çıqqan dielgän ide, ämmä soñraq bu xäbär raslanmadı. Qaza Sokol belän Voykovskaya tuqtalışları arasında bulğan.
