Accessibility links

Кайнар хәбәр

Belarus saylawlarına qarata fiker törle


Prezident saylawlarında ciñüçe dip iğlan itelgän Lukaşenko «köndäşlärneñ revolyutsiä yasarğa tırışuları barıp çıqmadı” dip belderde. Minskida ütkän matbuğat konferensiäsendä Awropada iminlek häm xezmättäşlek oyışması küzätüçeläre, Belarusta prezident saylawları demokratia standartlarına turı kilmäde dip belderde. BDB illäre küzätüçeläre citäkçese Vladimir Ruşaylo, qayber texnik bozular buluğa qararmastan, saylawlar Belarus qanunnarı nigezendä ütte, dip sanıy.

Rusiä tışqı eşlär ministrlığı belderüendä, tawış birü ğädel buldı, Belarus xalqınınñ saylawın xörmät itergä kiräk dielgän. Awropa xoquq yaqlawçıları Belarustağı saylawlarnı fars dip atadı.

Üzäk saylaw komissiäseneñ aldan iğlan itelgän yaqınça mäglümätlärenä qarağanda, Belarusnıñ xäzerge başlığı tawışlarnıñ 83%tın yawlağan. Oppozitsiädäge Aleksandr Milenkewiçqa saylawçılarnıñ 6% tı tawış birgän. Oppozitsiä, tawışlar döres sanalmağan dip belderä häm qarşılıq aqsiälärenä çaqıra. Minskiyda matbuğat konferensiäsendä çığış yasağan Milenkoviç bolay dide:

«Bez saylaw näticälären tanımıybız. Belorusiädä saylawlar tügel, xäkimiätne qanunsız yawlap alu buldı. Çönki 2004 yılda ütkärelgän referendum legitim bulmadı. Belorusnıñ bügenge prezidentı bu saylawlarda qatnaşırğa xaqlı tügel», ide dip belderde Milenkoviç. Ul oppozitsiä isemennän saylawlarnı yañadan ütkärüne taläp itte.
XS
SM
MD
LG