Accessibility links

Кайнар хәбәр

Ufada tatar uquçılarınıñ respublika olimpiadası tämamlandı


Ufada tatar tele häm ädäbiäte buyınça yıl da uzdırıluçı respublika olimpiadası tämamlandı. Öç kön buyı barğan bu bäygedä respublikanıñ barlıq rayonnarınnan da diärlek 170тән artıq tatar uquçısı qatnaştı. Balalar tatar tele häm ädäbiäte buyınça törle sınawlar tottı. Başqortstan däwlät universitetınıñ tatar tele kafedrası möğallimnäre oyıştırğan olimpiada respublikada tatar telen häm ädäbiäten uqıtunıñ tieşle däräcädä quyılğanlığın kürsätte. Monı şuşı bäygedä qatnaşuçılarğa bäyä birgän sigez keşedän torğan jyuri äğzaları ışanıp äytä.Ufada tatar tele häm ädäbiäte buyınça respublika olimpiadası yomğaqları xaqında Başqortstan däwlät universitetı möğallime Ramil Miñneäxmätov söyläde. Şulay itep, bıyıl da Başqortstanda tatar tele buyınça respublika olimpiadası ütte häm anda başqa yıllardağıdan da kübräk uquçı qatnaştı. Ämma tatar tele uqıtuçıların aldağı yıllar borçıy. Berniçä yıldan mondıy bäygelärneñ ütmäyäçägen yäki ütsä dä, anda bik az bala qatnaşaçağın farazlıy tatar tele uqıtuçıları. Ni öçen digändä, küp urında bıltır tatar tele urınına başqort tele häm ädäbiäte uqıtıla başladı. Dimäk, ul mäktäplärdän aldağı un yıl eçendä tatar tele olimpiadasına kilüçelär bötenläy dä bulmayaçaq.

XS
SM
MD
LG