Mäskäwdä “Keşe xoquqları öçen” dip atalğan oyışma citäkçese Lev Ponamarev häm tağın ber xoquq yaqlawçı Yevgeniy İlxov totqarlanğan. Alarnı düşämbe könne, Tışqı eşlär ministrlığı binası yanında, Belarusta qarşılıq aksialärendä qatnaşıp, xäzer inde törmädä utırğan rusiä watandaşların yaqlağan aksiadä qatnaşqan waqıtta, totqarlağannar. Telefonnan “Azatlıq” radíosına xäbär itkän Ponamarev, az keşelek piket qanun belän röxsät itelgän bulsa da, milisionerlar bezne piket yasaw qanunın bozğan öçen totqarlağan bulıp çıqtı, dip belderde.
