İl buyınça transport eşe tärtiptän çıqqan. Hawa reysları totqarlana, yä bulmasa oçqıçlar ğömümän oçmıy. Uqıtuçılar eş taşlağan. Qayber şähärlärdä uquçılar mäktäplärdä häm universitetlarda kirtälär qorğan. Qarşılıq aksialärendä qatnaşuçılar, yäşlärne eşkä alu häm eştän azat itü turındağı yaña qannunnı ğämäldän çığarunı taläp ittä. Törle mäğlümätlärgä qarağanda mart axırında Fransiadä millionnan alıp, öç millionğa qädär keşe uram cıyınnarında qatnaşqan. Yaña qanun yäş belgeçlärne eştän azat itüne ğädiläşterä. Fransia prezidentı Jacques Chirac ul qanunnı tözätmälär kertep, imzalarğa wäğdä itte. Läkin hönäri berleklär ul tözätmälär känäğätlänerlek tügel, dip belderä.
