Bügen İtaliädä ike könlek ğömüm saylawlarnıñ berençe köne ide. Xalıq konservativ köçlär wäkile xäzerge premyer-ministr Silvio Berlusconi yäki Yevropa Kommissiäseneñ elekke prezidentı, urta-sul koalisiä yulbaşçısı Romano Prodi öçen tawış birä. Fiker beleşülär Prodinıñ köndeşennän alda baruın kürsätä. Bügen tuğan şähäre Bolognyada tawış birep çıqqannan soñ Prodi, jurnalistlarğa, yaxşı näticälärgä ömet itüen belderde:
"Bik yaxşı yoqlap tordım, bügen matur, qoyaşlı kön, häm barısı da mömkin bulğan qädär yaxşı tämamlanır dip ömetlänäm"
İtaliädä mondıy qaynar häm kierenke saylawaldı kampaniäseneñ inde distä yılğa yaqın uzğanı bulmadı. Näticälär nindi genä bulsa da, säyäsi küzätüçelär fikerençä, yaña xökümät ber aydan da irtäräk tözelmiyäçäk.
