Bügen Mäskäwdä Xökümät yortı qarşında Ästerxanda tözelep barğan mäçetne cimerügä qarşılıq aksiäse ütte. Xäbär agentlıqları aksiädä 15 keşe qatnaştı dip xäbär itä. Çarada qatnaşuçılar fikerençä, xakimiätlär qanunsız gämällär eşlilär häm bu xäl massaküläm qarşılıqlarğı äylänergä mömkin. Mäçetne cimerü turındağı qararnı rayon mäxkämäse, ğinwar ayında cirle administrasiä dägwäse nigezendä qabul itkän. Ästerxan çinovnikları möselmannar qanun bozğan dip bara. İmeş bu cirne alar yort tözergä dip alğannar da soñınnan ğına mäçet tözi başlağannar.
