12 aprel' Ufada qarşılıq aksiäse bulıp ütte. Anda tatar gimnaziäse tözügä bitaraf bulmağan tatar cämäğätçelege cıyıldı. Xäbär itüebezçä, süz eşquar Ramil Bignovnıñ tatar gimnaziäse itärgä birgän bina turında bara. Älege binanı tözügä 20 million sumnan artıq aqça bülengän. Bignov tözep betü öçen kiräkle tağı 30 millionnan artıq aqçanı tabarğa ışandırdı. Läkin şähär xakimiäte Ufada tatar gimnaziäsenä moxtaclıq yuq, älege bina sanitar normalarğa turı kilmi dip anı cimerüne taläp itä.
Çara şähär xakimiäte qarşındağı Lenin mäydanında uzdı. Anda 50 artıq keşe qatnaştı. Piketçılar “Balalar gimnaziädä uqırğa xaqlı!”, “Mortaza! Gimnaziäne cimerep kenä tatarlarnı beterep bulmıy!” häm başqa şundıy şiğarlär belän qorallanğan idelär.
