Kosmonavtika köne uñayınnan Qazan uramnarınnan ütkän-barğan keşelärgä “Azatlıq”nıñ açıq mikrofonı:“Aqçağa ğälämgä oçuçılar alar kosmonavtlarmı ällä turistlarmı?” häm “Aqçağız bulsa ğälämgä oçar idegezme?” – dip soraw birgän ide. Başqala xalqı törlese-törle cawap birde. Beräwlär: “Kosmonavt ta turistta, alar ber- bersenä qarşı kilmi. Kosmonavtika tarixta qalğan äyber inde ul, çönki xäzer oçuçı, kosmonavtçı ğädäti küreneşkä äylänep bara…”- dide. Ber abzıy: “Oçası keşe oçqan bit inde, täğäyen genä äytä almıym. Min kosmonavtikanı elek tä añlamıy idem xäzer dä añlıy almıym, anıñ kemgä kiräge bulğan, kemgä fayda kitergän, qaysı il bayığanda qaysı il bölgenlekkä töşkän , bersedä bilgele tügel?!”- dip kitep bardı. “Aqçağız bulsa ğälämgä oçar idegezme?” -dip ölkän yäştäge apadan sorağaç: “Bezdän bulmas ide ul…”- dide. Ber xanım: “Aqçağa oçuçılar turistlar alar!” - di, “Aqçaların qaya quyarğa belmilär, alar üz talantları, üz köçläre belän oçsınnar ide anda!”- digän fikeren citkerde. Urta yäşlärdäge abzıy: “Aqçağa oçuçılar üzlärenä reklama yasıylar, tarixi kitaplarğa eläger öçen dä oçuçılar bar”- dide. Yäşlär, studentlar berençe sorawğa: “ Alar kosmonavtlar da, turistlar da bula alar. Bez çit il maturlıqların kürep qaytqan kebek, alar ğälämneñ maturlıqların qarap qaytalar”- dip cawap birdelär.
