Katmandu. Nepal patşası Giänendranıñ bar xakimiatne üz qulında tuplaw tırışlıqlarına qarşı ilneñ başqalasında bügen berniçä meñ keşe qarşılıq cıyını ütkärde. Soñğı xäbärlärgä qarağanda, politsiä belän bäreleşlärdä anda distälärçä keşe qulğa alınğan. Bu yulı ülem-citem turında mäğlümat yuq, 10 kön elek başlanğan şul qarşılıq çaralarında moña qädär kimendä 4 keşe üterelgän ide. Bu atnada patşa Nepalda irekle saylawlar ütkäräçägen belderde, ämma oppozitsiä anıñ şuşı wäğdäsenä ışanmawın häm qarşılıqnı däwam itäçägen äytte. Giänendra Nepal xökümäten taratıp bar xakimiatne üz qulına 14 ay elek alğan ide.
