Qandahar. Könyaq Äfğanstanda "Taliban" qaldıqlarınıñ äfğan politsiäse nığıtmalarına höcümnäre däwam itä. Zabul wilayätendäge şul bäreleşlärdä "Taliban"nıñ 14 suğışçısı üterelde, yä yaralandı, dip belderä räsmi wäkillär. France Presse agentlığı isä "Taliban" wäkile süzlärenä tayanıp, ike suğışçınıñ ğına hälak buluın, 9 politsiä xezmätkäreneñ üterelüen xäbär itä. Xakimiat yağı politsiä arasında yuğaltular buluın kire qağa. Comğa könne köçle suğışlar kürşedäge Qandahar wilayätendä bulğan ide, anda "Taliban"nıñ 41 suğışçısı yuq itelde, dip xäbär itelde.
