İran xäkimiätläre, alar atom programması tiräsendäge qarşılıqlar turında söyläşülärgä äzer, tik ber şart belän, ul da bulsa, mäsälä Xalıqara atom energiase idaräsendä qaralırğa tieş dip belderde.İrannıñ milli iminlek şurası citäkçese Ali Laridcani bu xaqta bolay dide: “Bezneñ programma açıq. İran atom eşkärtülären tuqtatmıy, atom yağulığın eşläp çığarunı däwam itäçäk. Bez teläsä qaysı il häm xalıqara atom energiase idaräse belän dä söyläşülärgä äzer. Tik ul söyläşülär basım astında bulmasqa tieş”, dide Ali Laridcani.İrannıñ atom qorılmalarında yañadan tikşerülärne yänä Xalıqara atom energiase idaräse ütkärergä digän täğdimne, AQŞ kire qaqqan ide.