Ğiraq prezidentı Cäläl Talabani Bağdadta şığıylar belän sönnilär arasında barğan mäzhäb-ara bäreleşlärdä uzğan ber ay eçendä genä dä ber meñnän artıq keşe hälak buldı dip belderde.
Talabani bu sannar morg xäbärlärennän alındı di.
Politsiä äytüençä, bügen Baquba şähärendä qorallı keşelär aftobusqa ut açıp 11 keşene ütergän.
Politisä şulay uq bügen Bağdadta Saqlanu ministrlığınıñ cämäğätçelek belän eşläw bülege xezmätkäre eşkä barğanda atıp üterelgän.
Tönyaqtağı Tal Afar şähärendä kiçä intixarçı şartlatqan bombadan ülüçelär sanı 22-gä citte.
