Ürdün Süriädän yäşeren räweştä qorallar, şul isäptän İranda yasalğan katyuşa raketaları taşığan Hämas äğzaları dip şiklänelüçe 20 keşene totqarladı.
Xökümät süzçese 3 atna elek totqarlanğan bu keşelärne patşalıqnı totrıqsızlandıru öçen süz berläşterüdä ğäyepläde. Başqa räsmilär äytüençä, alar inde Ürdünneñ yuğarı räsmilärenä höcümnär oyıştıra yazğan.
Xämas üz äğzalarınıñ qoral taşu belän şöğellänüen inkyar itä häm Ürdün belän bu mäs'älägä açıqlıq kertü öçen Fälestin prezidentı Mäxmüt Abbas oyıştırğan şurağa quşılmayaçağın belderä. Älege şura äğzaları bügen Ammanğa kilde. Alar anda 2 könlek tikşerü eşläre ütkäräçäk.
Ürdün 1999-nçı yılda qanunsız eşlär belän şöğellänüdä şiklänep Hämas citäkçelären ildän çığarıp cibärgännän soñ bu Ürdün belän Fälestin arasında bäyläneşlärneñ iñ tübän däräcägä töşüe. Ğinwar saylawlarınnan som Xämas Fälestin xökümäte citäkçelegenä kilde.
